تُركي: مسلسل الأزهآر الحزينــةة ~

مرررحبا عليكم بالتُركشش ..

كيفكم ؟ إزيكم؟ يآرب كلكو طيبين وكويسين ..

اليوم جآية لكم ب ريفيو عن ثآني مسلسل تركي تابعته ..

بصرآحة ... وبيني وبينكم!

هذا المسلسل وصلت يمكن للحلقة الخآمسة ووقفت ..

مآقدرت أكمل كلششش .. كلششش كلشش .. "(

ليه مآقدرت أكمله ؟؟

المسلسل حززززززييييننن يبككككي طول ما انا اتابع وانا اشهق بكى م يصير!!

وعارفين انتوا المسلسلات التركيه الحلقه على ساعتين ساعتين ونص كذا ..

ساعتين ونص متواصلين انا اجلس ابكي ليششش شالله حادني ؟؟ هههههههههههههههه

والله تأزمت نفسياً ما تحملت جد عاد "(

خلينا بالمسلسل الحين شرحته كله بالكلام اللي اول ..

نوع المسلسل: دراما، بكى، حزن، ضيقة صدر ههههههههههه ..

اذا ما خاب ظني المسلسل للآن يُعرض وله موسمين ..

قصة المسلسل: عن مجموعة بنات مراهقات بعضهم تربوا مع بعض في دار الايتام والبعض الاخر تعرفوا عليهم فيما بعد مع تسلسل الاحداث وتعرفوا هذي الفئة من الناس كيف يقابلهم المجتمع بغض النظر عن قصصهم الخاصة وقصة كل وحده فيهم ..

باختصار المسلسل موووووووووت كآبة يصلح للنفسيات يعني معلش ههههههههه ..

تقييمي للمسلسل : اعطيه 4 من 10 صراحه لانه اوفر كآبه ما اتحمل ابدا ههههه، مع ان لازم ولابد من المواقف الطريفه لكن الغالب عليه الحزن والكآبه ..

مين أكثر شخصية حبيتها ؟

مثل ما قلت انا ما تابعت المسلسل للنهايه .. لكن من خلال الحلقات اكثر شخصية حبيتها هي شخصة فريدة .. لانها تونس من جد احس شخصيتها هبله هههههههههههههه ..

يعني برايي لو خففوا حدة الحزن بالمسلسل اكثر يمكن كملت متابعته اما كذا ما قدرت اتحمل ..

اعطوني انتوا رايكم بالمسلسل ومين كملته للنهايه وحبته وتقييمكم له ؟

تُركي: مسلسل بنآت الشمس ..،

سسسسسسسلآم ع الشيخآت ..
كيفكم ؟ يارب تكونوا كلكم بخير وصحه ..

مسلسل اليوم مسلسل تركي كمان ..
أسم المسلسل:

بنآت الشمس
Güneşin Kızları

نوع المسلسل:
دراما، غموض نتتتفففه ..

قصة المسلسل:
المسلسل يتكلم عن 3 بنات وأمهم، البنات الثنتين الكبار توأم ومختلفتين تماماً بالشكل والشخصيه يعني توأم مختلف جداً، والثالثه اصغر منهم في عمر ال16 سنه ..عايشين لوحدهم في مدينة أزمير وأبوهم تركهم وهرب، الأم عاشت قصة حُب مع رجل أسطنبولي وقرروا على الزواج اللي رحبوا فيه البنت الصغرى ووحده من التوأم لكن الثانيه كانت رافضه تماماً الفكرة هذي والانتقال الى اسطنبول، لكن رغم ذلك الأم تزوجت وأرغموا على الانتقال الى اسطنبول وهناك انتقلوا الى بيت زوج الأم اللي كان يملك من الثروة والأموال الكثير وكان بيته عبارة عن قصر يسكن فيه هو وأخته وابنها وأبنه، ومن بعد نقلتهم الى اسطنبول بدأت الاحداث الكبيرة والمشاكل تتوالى عليهم واللي كان سببها الرئيسي زوج الأم .. عدد حلقات المسلسل 39 حلقة

رأيي بالمسلسل: 
مدري الكل قال ان المسلسل مسلسل مراهقات بس حبيته، صحيح عشت بفتره كلها كآبه هههههه مع انه مو اللي مره كئيب بس حبيت المسلسل، تمنيت لو كانت النهايه مختلفه شوي برأيي استعجلوا بنهايته، لكن برضو حلو ..

تقييمي للمسلسل : 
8 من 10 ..

أكثر شخصية حبيتها ؟

أكثر شخصية حبيتها كانت شخصية علي، قبل كل شيء لان صوته حلو ههههههه ، ثانياً حسيته هو اكثر واحد ابدع بالتمثيل ولا بقية ابطال المسلسل تمثيلهم جددددا سيء يمكن هو اكثر شخصيه اقنعتني وحبيتها بس .. 

مين تابعت المسلسل أيش رايكم فيه ؟

تُركي: مسلسل الأمل لآيُمكن تقيّيدُه | Umuda Kelepçe Vurulmaz dizi

سسسسسسلآم ..

كيفكم؟؟ يآرب تكونون بألف خير ..

مسلسلنآ لليوم رآح يكون مسلسل تركي كما جرت عليه العادة خلآل هذه الفتره ..

اسم المسلسل:

الأمل لآ يمكن تقيّيده ..

عدد حلقآت المسلسل:

15 حلقة ( بمعدل ساعتين الى ساعتين ونصف لكل حلقة )

نوع المسلسل:

دراما ( أوفرر دراما )

قصة المسلسل:

المسلسل يتكلم عن عايله مكونه من أم مكافحة وكادحه من أجل لقمة العيش لأطفالها، وأب عاطل عن العمل مدمن لشرب الكحول، وأخ أكبر وهو بطل القصه لازال في عمر المراهقه ( 17 سنه ) وأسمه فرات، يعشق عائلته بشكل كبير ويعمل من أجل ان يساعد والدته في توفير حاجياتهم، وأخت وأخ أصغر ( لا زال طفل بعمر التاسعه ) أسمه حسن، فرات كان معجباً بفتاة من عائله مرموقه اسمها جيرين تتردد على النادي الذي يعمل فيه بشكل مستمر وهي ايضاً كانت معجبة به، في أحد الأيام تعرض حسن أخ فرات إلى حادث أفقده الحياة وكانت جيرين أحد المتواجدين في السياره التي تسببت بالحادث وحاولت جاهدةً إلى ان تنقذه ولكن من كانوا معها في السياره لم يقبلوا وفروا هاربين إلى ان تعرضوا هم أيضاً لحادث سير، حينما استفاقوا من الحادث كان احدهم ميتاً وهذا ما جعل قائد السياره يحكم عليه بالسجن فتمر الايام ويسجن فرات معه في نفس السجن ولكن دون ان يعلم بأنه قاتل أخيه ....

رأيي بالمسلسل :

المسلسل من بدايته كان كآبه، ويصيح، ويعور القلب، يعني اوفر اوفر اوفر اوفر كآبه ، بس يخلي الشخص اللي يتابعه يحس فعلاً بقيمة الأم وكيف ممكن تعطي أي شيء حتى لو روحها لأجل راحة وسعادة ابنائها

تقييمي للمسلسل: 5 من 10

أكثر شخصية حبيتها ؟

شخصية المُدرسه أنجي، هي أكثر شخصية أعجبتني وأتقنت الدور بقوة، شخصية تعيش لأجل تزرع قيم وتطور ناس فقدوا الامل ان حياتهم ممكن تطور، أحب الشخصيات هذي اللي تعطي وتعطي بلا أي مقابل وتحارب لأجل توصل للشيء اللي هي تبغاه ..

هذا تقييمي ورأيي بالمسلسل، انتوا أيش رايكم فيه ومين تابعته ؟

تركي: مُسلسل بُــويرآز كرآيآل | Poyraz Karayel dizi

مسسآء أو صبآح الخير عليكم ..

كلاً بتوقيته هههههه ..

كيفكم ؟ يارب تكونون كلكم بخير وصحة 3>

انا وعدتكم سابقاً على سنآب شآت إني راح انزل لكم عن المسلسلآت التركية اللي تابعتها، وتقييمي عليها وكل حاجة ..

وراح أبدأ بأول مسلسل ..

Poyraz Karayel

مسلسل بويراز كارايال التركي .. من اشهر المسلسلات التركية اللي احدثت ضجة نوعاً ما ..

نوع المسلسل: دراما، أكشن، يمكن شووووووووية بس كوميدي ..

عدد حلقات المسلسل: 
الموسم الأول: 24 حلقة
الموسم الثاني: 38 حلقة
الموسم الثالث: 20 حلقة 

قصة المسلسل:

كان يتكلم عن بطلنا بويراز كاريال .. شرطي سابق انسجن بتهمة السرقة ظلماً وقضى في السجن فتره ابتعد فيها عن طفله سنان واللي هو يعتبر كل شيء بالنسبه له، بعد فتره طلع من السجن وجلس يحاول بكل الطرق انه يرجع له طفله اللي كان جده مسؤول عنه ورافض انه يلتقي او يعيش مع والده بسبب وظيفته اللي انطرد منها وصار سائق تاكسي، فيحاول يرجع لمهنته السابقه اللي الزموه انه يدخل كعميل سري الى احد عصابات المافيا وفي هذي الفتره تعرف على بنت زعيم المافيا عائشة جول وبدأت علاقة الحب بينهم تكبر والاحداث تتوالى ..

تقييمي للمسلسل:

المسلسل برأيي اعطيه 10/10 ليه ؟

اولاً القصة كحبكة إبدااع وتشويق ماله حدوود وحاجة جداً جديده بالنسبه لي انا أقلها .. تعبنا من قصص الحب والعشق والفراق والدموع، اما هذا مسلسل من نوع اخر واحداث اخرى ..

ثانياً من ناحية الممثلين احس انهم ابدعوا في اختيار الممثلين حتى اللي كانوا عبارة عن ممثلين كومبارس كانوا قممممة في الابداع يعرفوا شغلهم صح .. وهذي نقطة تحسب لهم من قلب ..

يمكن شوي المسلسل على نهاية الموسم الاول ونهاية الموسم الثاني بدأ يبيخ نتتتفففه .. بس برضو كان كل شي فيه ابداع ..

اما الموسم الثالث فأحس انه اخذ منحنى ثاني غير منحى المافيا وهالسوالف وصار يتكلم عن الجماعات الارهابية وهذا شي جدا حسيته حلو، لكن ع الحلقات الاخيره احس مدري، حسيت الممثلين طفشوا ههههههه ..

 انصحكم جداااا بمتابعته ..

مين اكثر شخصية حبيتها ؟

طبعاً أكييييد وأكيييد شخصية البطل بويراز .. حبيت فلسفته وشخصيته مره مره ههههه، المبادئ اللي يعيش عليها الانسان هذا رهيييبه، تضحياته لخاطر ابنه تجسد معنى الابوه بشكل جداً جممميل ومعبر 

ثاني شخصيه حبيتها ذو الفقار هههههههههههههههههههه رهيب هالادمممي بشششكل، خفة ظله واستهباله رهيبه، كلامه لمن يتكلم عن الرأسماليه رغم ان كثير من الأحيان تكون عبارة عن ( سشملك ) يعني يهذي هههههههه بس تحس يقنعك بشكل..

اما ثالث شخصية حبيتها شخصية سفر اللي مره انقهرت ليه انسحب من المسلسل، كان يعور قلبي لمن يتكلم عن الأطفال اليتامى وكيف عاش يتمه ومعاناته من دون أهل ولا معارف ولا اي شي حسيته فعلاً جسد شخصية الرجل الطفل ..

واخر شخصية حبيتها كانت شخصية سونجول رهيبه هالادميه مع ثقتها بنفسها ههههههههههههههه فيها ثقه رهيبه بحالها رغم كل اخطائها، عشت معاها معاناة المرأه الحبيسه الميته على قيد الحياة، اللي حاربت وحاربت وحاربت وضحت فقط لأجل تكون على الأقل أم ما دام انها فقدت احساس انها تكون زوجة ..

بس هذا كل اللي كنت حابه اكتبه لكم عن مسلسل بويراز كاريال 

من وين تابعته ؟

هنا راح تلقوا الرابط :

مسلسل بويرآز كآريآل 

لو في وحده منكم تابعته ياليت تكتب لي عن المسلسل ورأيها فيه ..