صبآح الخير، أو أقدر أقول عنه مسآء!
مآ أعرف هذآ الوقت تحديداً أحتآر فيه، يُقآل إنهآ السآعة 11 صبآحاً، لكن قبل قليل كآنت إقآمة صلآة الظهر واللي تعني بإن وقت الظهيرة حآن، ودخلنآ في المسآء ..
عموماً، لآ أحد يشغل عقله بأفكآري المعقدة هههههههه ..
اليوم كآن أحد أيآمي طمئنينة وهدوء، أحب الصبآح! ، لكني أكتشفت أني أحبه إذآ كنت سهرآنه أكثر من حبي له وقت أكون توي صآحية !!
صدق ليش مآتكون بدآية يومنآ هي نهآيته حقيقةً؟
أو ليش مآ تكون نهآية يومنآ هي منتصف اليوم..
ليش لازم يُحسب اليوم من بدآية شروق الشمس أو من الساعه 12 ص!؟
أحس بدآية أي يوم لآزم تكون مقرونة بالوقت اللي أي شخص يعيشه ..
يعني انآ الآن المفترض أني بآقي في يوم أمس، اللي هو الخميس في حين أننا علمياً في يوم الجمعة!
تحسون أني رجعت أخربط صح ؟
طيب أتركوا أفكاري ههههههههه اليوم أنا مبسووطة ..
تعلمت حآجة جديدة ..
تعلمت أرسم ..
يمكن ما أكون أتقنت الرسم 100% ، بآقي أنا في بدآية المشوار وتشهد علي هذي الرسمه هههههههههه ...
لكن مبسوطة إني على الأقل قدرت أرسم ، سآبقاً م كنت أعرف عن الرسم أي شي وخآصة عن رسم الوجوه والأبعآد وووو ...
على طاري رسم الوجوه، تعرفون ؟
برأيي أحس ضروري أي شخص يعرف يرسم وجوه الأشخآص ..
مآ أعرف أحس هذي الطريقه أحد التعبير عن المشآعر أيّاً كآنت ..
يعني أتخيلوآ مآ أحب شخصية وأرسمها بنفس النظرة إللي أنظر لهآ أنا ؟
وآآه ونآسه ههههههههههه شخصيّاً عندي مشكلة في التعبير عن عدم الأرتيآح لشخص، لأن ع الرغم إني ما أحب أخالطه بنفسس الوقت أخآف أجرحه ..!
فأحس لو تعلمت أرسم وجهه يمكن ع الأقل أطلع لو شوية من مشآعري هذي :/ م أعرف!
بنفس الوقت لو كنت أحب شخص !!
وجيت أرسمه بحسب نظرتي أنآ له، يآآآه أحلى شعور ..
لأن بقدر ما أنآ عندي عقدة في التعبير عن مشآعري للنآس إللي مآ أحبهم ..
مشكلتي أضعآف في التعبير عن مشآعر الحب بدآخلي ..
الكلمآت تختفي وتتبخر وما عاد أعرف أبوح فيها ..
عموماً، الرسمه لاحد يدقق فيها ترا هي نتاج تجربة أولى!
فمآهي بهذي السوء برأيي :/!! ههههههههههههه لآ تبآلغون "$
عموماً الهدف من وضعي للصورة قبل أني أوريكم، هي أني في المستقبل لو حصلت معجزة وأحترفت الرسم أشوف المقآرنه، حلو الوآحد يشوف نفسه كيف جآلس يتطور شوي شوي صح ولآ ؟ "$
أنتم بس لآ تدققون ع آلشعر ههههههههههههههههههه ..
قبل شوي قلت انه كان عبارة عن يوم هادئ مو ؟؟
ما امداني اكمل، الا جاء اخي العزيز الصغير بازعاجه وسؤاله المتكرر يلا متى طالعين للبحر ؟؟
اليوم كان مقرر اننا نطلع طلعة عائليه للبحر واللي مع الاسف بديتها بشيء ضيق خلقي
وخلاني طول الطريق للرحله دمعتي على خدي!
تدرون؟
انا من الناس اللي م تتحمل ابداً وأبداً رفعة الصوت والأسلوب الأستفزازي واسلوب الأمر والنهي من أيّ شخص
وهذا ممكن يكون شوي عيب في بعض الاحيان
حتى ممكن مع الاسف ارد بوقاحة اذا ما اعجبني اسلوب الشخص معاي
بل وحتى اذا رفع صوته علي أرفع صوتي!!
لكن ما إن يرجع ليعتذر أحس اني فعليّا على خطأ ويساورني أحساس بالذنب كريه ينغص علي يومي ..!!
عموماً وصلنا للبحر اللي ما كان من الاماكن اللي ارتاح فيها فعليّاً ، حيث أني قبل هاليوم كنت ولازلت اعتبر البحر شئ خطر، ونذير شؤوم، وبحياتي ما وثقت فيه أبداً لدرجة من المستحيل أجلس ع الشاطئ لوحدي ..
لكن ولسبب ما بذاك اليوم لقيت نفسي اقرب منه، وحتى اني ولأول مره من سنوات فكرت أترك امواجه توصل لطرف رجلي، وحتى لأول مره بحياتي جربت أني أتأمله وأنظر له،
ما أدري لكن حسيت أني أبي أرمي هالمره حملي عليه، حسيت بثقل بقلبي
انزاااح اول ما نظرت له وصرت قريبه منه ..
حتى مع تفاصيل الرحله السعيده ما حسيت بكمية الارتياح الا وقت رجعت البيت ..
ولأول مره احس أن وجهي تغير !!
تغير بعد زيارتي للبحر لأول مره ..
مدري بس حسيت شي بوجهي غريب، مدري هو من الراحه صرت اشوف وجهي نضِر، او من التخلص من جزء كبير من الاحساس بالذنب حسيت ان في حياة بوجهي !
او يمكن يكون من جو البحر اليوم، علماً إن الجو كان حاجة خورافية اليوم ..
حسيت ان الجو بهاليوم يواسيني ويآزرني، حتى بزخات المطر الخفيفه اللي طاحت علينا وحنا نتعشى ههههه ..
ومع كل صوت رعد حسيت اني اصرخ واطلع كل الطاقه السلبيه اللي بداخلي ..
ما اعرف، بس لأول مره أحس بنفع الطبيعه معي هههه ..
راح أترككم الآن مع بعض الصور اللي اخذتها ...
علماً إني ما طرحت الموضوع للفايده ابداً، ولكن شيء بداخلي دفعني للكتابه، فإن كنتي تحبي تقرأي شكراً لك من قلبي، حلو إحسآس إن أحد يسمع ويقرأ لك ..
وإن مآ كنتي تحبي تقرأي،
فأنا هنا أكتب لنفسي ..
ليست هناك تعليقات:
إرسال تعليق